Observation

Candidates were required to (a) define ‘otu inyomdi’ and (b) write out the responsibilities of some listed groups towards the community.

Expected answers:

(a) - Otu inyomdi bụ otu ụmụnwaanyị nọ na di n’otu ogbe,ụmụnna maọbụ otu ezinaụlọ.

- Ọ bụkwa otu jikọtara ụmụnwaanyị niile a lubatara n’otu ụmụnna, n’ogbe maọbụ n’otu obodo.

(b) (i) Mmọnwụ

- Otu mmanwụ na-arụ ọrụ dịka ndị uweojii n’obodo site n’ichekwa iwu obodo.

- A na-eji ha agbata nha/ụgwọ n’aka ndị na-emere obodo isiike.

- E ji ha ebelata agwa ọjọọ ndị mmadụ na-akpa n’obodo dịka – izu ohi, ịgwọ nsi, ịtụ ime ọkwa, dg. site n’ikpe ha ikpe.

- Ha na-eme ka ụmụokorobịa bụrụ ndị na-akpa ezigbo agwa ma bụrụkwa ndị kwesịrị ntụkwasị obi.

- Ha na-eme ka obodo kpoo ọkụ.

- E ji ya akwa ozu.

- E ji ya eme ka obodo daa jụụ.

ii. Ụmụnna

- Ụmụnna na-ahụ na e nwere ezi mmekọrịta n’etiti ndị dị ndụ na ndị nwụrụ anwụ.

- Ha na-ekpezi ikpe metụtara ha.

- Ha na-eji otu olu apụta n’ogbe ha ma e nwee ihe dapụtara n’ogbe.

- Ndị ụmụnna ọbụla na-ahụ maka ọdịmma onwe ha.

- Ha na-emebe iwu na-achị ha.

- Ha na-agba mbọ ịhụ na onye ọbụla na-ezere imejọ ndị nọ ndụ na ndịichie.

iii. Ndị eze ọdịnala

- Ha na-eji ewumewu ọdịnala obodo elekọta obodo ha.

- Ha na-agba mbọ ịhụ na obodo na-aga n’ihu ma kwụsiekwa ike.

- Ha na-enye aka imebe iwu e ji achị obodo.

- Ha na-enye ndị obodo ọzụzụ n’ụzọ omenala.

- Ọchịchị ha na-eweta udo n’obodo.

- Ha na-eweta ọganihu na mmepe obodo.

- Ha na-ekwuchitere obodo ọnụ ha n’ihu ndị gọọvmentị.

- Ha na-echekwaba omenala obodo.

- Ha na-eji ọfọ obodo.

- Ha ka ichi ndị mmadụ echichi n’obodo dị n’aka.